سؤال اتسألته كتييير !!!!!

والإجابه بتكون …… أيوه ممكن طبعا

الحالة اللي معانا النهاردة … مدام سهام … حامل …. كانت بتعاني من إجهاض متكرر مرتين تسمم حمل … ومرة بسبب طفرة …. عالجنا شوية حلوين وتابعنا شوية وقررنا نعمل حقن مجهري …. إتجهزنا كويس

الحمد لله وصلنا دلوقتي للشهر الثامن ….. طبعا كنت حاطط إيدي على قلبى فى متابعتها واتعمل ليها ربط لعنق الرحم مع استخدام المثبتات طول فترة الحمل …

البيبيهات تمام …. والأم كويسه جدا  …. التحاليل ممتازة والسونار رائع ما شاء الله ….  بنتقابل ف المتابعة علي فترات قليلة متقاربة … عشان نطمن عليها …. وكمان بنطمن بسونار خماسي الأبعاد عشان الدقه أكثر

بندعي ربنا نوصل بيها لبر الأمان وتولد بالسلامة و البيبهات ما يدخلوش حضانات عشان هي ما شاء الله حامل ف توأم

ربنا يبارك فيهم يا رب ويحفظهم ويجوا بالسلامة

دعواتكم ليها وللأطفال ….

وعايز أقولك متيأسيش … أي مشكلة إن شاء الله ليها حل … بنفكر ونتكتك ونصبر ونحسب خطواتنا عشان نمشي صح …. وكله بتوفيق ربنا….

حالات الإجهاض المتكرر كتييير وأسبابها أكتر بس حلولها موجودة بفضل الله … مفيش حاجة اسمها تعبت … زهقت …. أنا خلاص مش هخلف …. أنا عمري ما هبقى أم ….

خليكي متفائلة ومتتردديش أبدا إنك تسعي وتحاولي مرة وإتنين وثلاثة … المهم تختاري المكان الصح والطريق الصح اللي تمشي فيه