تحاليل ممتازه .دوره شهريه منتظمة.مفيش اي شكوي . الاشعه بالصبغه كويسه . تحاليل الزوج سليم . و الحمل بيحصل طبيعي وللاسف بتجهض ومش عارفه السبب ايه. لفيت كتييير تحاليل واشعه بالكووم . علاجات تفتح بيها صيدليه وبلاجدوي قعدنا اتكلمنا ناقشنا . هناخد نفسنا ونشوف هنمشي ازاي . اول خطوه نعمل تحاليل المناعه . كمان محتاجين نبص ع DNA بتاع الزوج . وكام حاجه كمان طلبناها هتوضح رؤيه الاجهاض المتكرر اللي مش لاقين له سبب عياده الاجهاضات المتكرره من اصعب العيادات اللي عندنا . فيها تعب وبتلزم جهد وتركيز . لان السيده مش بتكون مستعده لاي خطوه فشل تانيه . بجانب انها عليها عبء مصاريف وتحاليل وعلاجات مالوش حدود .. .هنا بحط نقطه ومن اول السطر. محتاج كل تركيزي . محتاج اعرف هنمشي ازاي وابدأ ازاي . الخطوه بحساب .و بفضل الله من كتر الحالات اللي بتعاني من اجهاضات متكرره . وبتصبر وبتابع وبتتعالج معانا باختلاف قصصهم ومشاكلهم . وبيكمل حملهم وبيتم بطفل سليم معافي بفضل الله . ده بيشجعني اكتر اني اجتهد وابحث وادور واشخص صح عشان ابدا صح مع الحاله ونكمل باذن الله الحمل صح